Entertainment: Space

Showing posts with label Space. Show all posts

ការបញ្ជូនមនុស្សទៅកាន់អាចម៍ផ្កាយដ៏ធំបំផុតត្រូវបានលើកគម្រោង

យោងតាមការសិក្សាថ្មីមួយអ្នកជំនាញផ្នែករ៉កកែតដែលបានត្រៀមបញ្ជូនមនុស្សទៅកាន់អាចម៍ផ្កាយដ៏ធំឈ្មោះ«Ceres» បាននិយាយថាបេសសកម្មនេះមានភាពងាយស្រួលជាងការបញ្ជូនមនុស្សទៅកាន់ភពអង្គារ។ គម្រោងបេសកកម្មនេះមានភាពផុសផុលយ៉ាងខ្លាំងក្នុងឆ្នាំ២០១០ គឺនៅពេលដែលលោកប្រធានាធិបតី Obama បានស្នើសុំឱ្យមានការបញ្ជូនមនុស្សទៅកាន់អាចម៍ផ្កាយមួយនេះនៅត្រឹមឆ្នាំ២០២៥ ។ ចំណែកឯគម្រោងរបស់អង្គការNASA ដែលចង់ប្រើយានអវកាសដែលគ្មានមនុស្សបើកក្នុងការអូសទាញយកអាចម៍ផ្កាយមួយមកដាក់ក្នុងគន្លងពិតប្រាកដមួយគឺនៅឆ្ងាយពីព្រះច័ន្ទបន្តិច នឹងមានលទ្ធភាពក្នុងការបញ្ជូនអ្នកអវកាសទៅកាន់អាចម៍ផ្កាយនេះយ៉ាងឆាប់បំផុតនៅត្រឹមឆ្នាំ២០២១ ។ Ceres គឺជាអាចម៍ផ្កាយដ៏ធំមួយនៅក្នុងប្រព័ន្ធព្រះអាទិត្យ មានទំហំប្រហែល៦០៥ម៉ាយ(៩៧៥គម) គឺមានទំហំប្រហែលនឹងរដ្ឋតិចសាស់របស់សហរដ្ឋអាមេរិក គន្លងរបស់វាស្ថិតនៅចន្លោះភពអង្គារនិងភពព្រហត្តិ៍ (Jupiter)។ លោកLonguski បាននិយាយថាដោយសារតែវាមានទំហំធំទំនាញរបស់វាធ្វើឱ្យវាមានរូបរាងមូលដែលខុសពីអាចម៍ផ្កាយដទៃដែលមានរាងរឆេញរឆូញឫុរាងដូចដំឡូង ។ អ្នកខ្លះគេនិយាយថា Ceres គឺជាភពដ៏តូចជាងគេមួយនៅក្នុងប្រព័ន្ធព្រះអាទិត្យដែលស្ថិតនៅចម្ងាយ២៥៧លានម៉ាយ (៤១៥លានគម) ពីព្រះអាទិត្យ ។ ភាពចម្លែករបស់វាមួយគឺវាអាចមានទឹកកកនៅពីក្រោមសំបករបស់វា គឺប្រហែល២៥% (ច្រើនជាងបរិមាណទឹកសាបនៅលើផែនដីទាំងមូល) ។ អ្នកស្រាវជ្រាវខ្លះបានគិតថាCeres អាចមានសមុទ្រនៅពីក្រោមស្រទាប់លើរបស់វា ដែលជាសក្តានុពលមួយក្នុងការរុករកជីវិតនៅក្រៅផែនដី ដែលជាទូទៅនៅលើផែនដី បង្ហាញថាទីណាមានទឹកទីនោះតែងតែមានជីវិត ។

លោកFrank Laipert ដែលជាវិស្វករបង្កើតយានអវកាសមកពីសកលវិទ្យាល័យPerdue បាននិយាយថាអត្ថប្រយោជន៍មួយទៀតនៃការស្រាវជ្រាវនៅលើអាចម៍ផ្កាយCeres គឺការសិក្សាអំពីកំណើតនៃប្រព័ន្ធព្រះអាទិត្យដោយសារតែវាជាបំណែកដ៏ធំមួយដែលស្ថិតនៅក្នុងប្រព័ន្ធព្រះអាទិត្យ ។ គាត់បានបន្ថែមទៀតថាការបញ្ជូនមនុស្សទៅអាចម៍ផ្កាយនោះគឺមានប្រសិទ្ធភាពជាងការបញ្ជូនយានអវកាសដែលគ្មានមនុស្សបើក ។ លោក Longuski និងលោក Laipert បានគណនារកវិធីបញ្ជូនមនុស្សទៅកាន់Ceres នេះហើយបានបង្ហាញថាមានតែថាមពលនុយក្លេអ៊ែរទេដែលមានប្រសិទ្ធិភាពខ្លាំងជាងថាមពលព្រះអាទិត្យពីព្រោះវាមានទម្ងន់ស្រាលជាង ហើយអាចធានាបាននូវការហោះហើរក្នុងរយៈពេលយូរ។ នៅក្នុងគម្រោងនេះគេបានគណនារយៈពេលហោះហើរដែលជិតបំផុតពីផែនដីទៅកាន់Ceres គឺ២៧០ថ្ងៃ ហើយរយៈពេលសរុបនៃបេសកកម្មនេះមិនឱ្យលើសពី២ឆ្នាំទេ គឺដើម្បីការពារកុំឱ្យមនុស្សរងនូវកាំរស្មីដ៏គ្រោះថ្នាក់ពីអវកាសច្រើនពេកដែលបណ្តាលឱ្យកើតជំងឺមហារីក។

ខុសពីភពអង្គារដែលមានទំនាញខ្លាំង Ceres មានទំនាញយ៉ាងខ្សោយក្នុងការទាញឱ្យយានអវកាសបុកជាមួយវា ក្រៅពីនោះវាគ្មានស្រទាប់បរិយាកាសដើម្បីទប់ល្បឿនយានអវកាសទេ ដូច្នេះគេត្រូវរៀបចំយានអវកាសដោយធ្វើដំណើរទៅជិតCeres ហើយបំបែកខ្លួនដើម្បីចុះចត ។

អត្ថបទ: KSN, Ref: National Geographic

ផ្កាយរណបGOCE បានធ្លាក់មកដល់ផែនដី

ផ្កាយរណបGOCE បានធ្លាក់នៅកោះFalkland

កាលពីសប្តាហ៍មុន Khmer Science News (KSN) បានចុះផ្សាយអំពីផ្កាយរណបGOCE របស់សហភាពអឺរ៉ុបដែលអស់ប្រេងឥន្ទនៈហើយកំពុងតែធ្លាក់ចុះមកកាន់ផែនដីវិញ នៅពេលនេះយើងបានទទួលដំណឹងតាមរយៈBBC News ថាវាបានធ្លាក់មកដល់ផែនដីវិញហើយដោយមិនបង្កឱ្យមានគ្រោះថ្នាក់ដល់ជីវិតមនុស្សឫុទ្រព្យសម្បត្តិអ្វីឡើយ ។ លោកBill Chater ដែលជាអ្នកស្រុកនៅកោះFalkland (ស្ថិតនៅក្នុងសមុទ្រអាត្លង់ទិកក្បែរប្រទេសអាហ្សង់ទីន) បានមើលឃើញទិដ្ឋភាពនៃការធ្លាក់ចុះនេះព្រមទាំងបានថតរូបទុកទៀតផង នៅពេលដែលគាត់ចេញក្រៅផ្ទះដើម្បីមើលសត្វPenguins ។ លោកBill Chater បានរៀបរាប់ប្រាប់អ្នកសារ

អានបន្ត »

ផ្កាយដុះកន្ទុយ ISON បញ្ចេញពន្លឺក្នុងសប្តាហ៍ទី២នៃខែវិឆ្ឆិកានេះ

ផ្កាយដុះកន្ទុយ ISON

នៅដើមខែវិច្ឆិកាគេអាចមើលឃើញផ្កាយដុះកន្ទុយ ISON នេះដោយប្រើកែវឆ្លុះជំនួយ ប៉ុន្តែចាប់ពីសប្តាហ៍នេះទៅ ផ្កាយដុះកន្ទុយ មួយនេះបញ្ចេញពន្លឺយ៉ាងច្បាស់ដែលអាច ឱ្យ យើងមើលឃើញដោយភ្នែកទទេបាននៅ ពេលយប់។ ចំណែកឯព្រះច័ន្ទវិញក៏មិនមែនជាបញ្ហាដល់ការមើលផ្កាយនេះដែរដោយសារវាស្ថិតនៅតំបន់ឆ្ងាយពីគ្នា ។ នៅចុងខែវិច្ឆិកានេះអ្នកមានពេលកាន់តែតិចក្នុងការមើលផ្កាយដុះកន្ទុយមួយនេះនៅមុនពេលព្រះអាទិត្យរះ ដោយសារវាធ្វើដំណើរឆ្ពោះទៅរកព្រះអាទិត្យនៅថ្ងៃទី២៨ ខែវិច្ឆិកានេះ ។ នៅថ្ងៃទី៨ ខែវិច្ឆិកា ផ្កាយដុះកន្ទុយ ISON រះ៣ម៉ោងនិង៤៤នាទីមុនព្រះអាទិត្យរះ

អានបន្ត »

ការពិតអំពី UFO-Alien (ភាគទី៥)

នៅក្នុងការផ្សាយមុនៗមិត្តអ្នកអានបាន ឃើញរួចមកហើយអំពីការពិតរបស់ UFO-Alien ភាគទី១ ភាគទី២ ភាគទី៣ និង ភាគទី៤ នៅក្នុងភាគទី៥នេះយើងនឹង បង្ហាញអំពីករណីផ្សេងៗទៀតដែលមនុស្ស បានជួបUFO-Alien ដោយផ្ទាល់៖
រឿងរ៉ាវនេះ បានកើតឡើងនាឆ្នាំ១៩៩៦នាភូមិKashtim សហព័ន្ធរុស្សី ។ វាគឺជាការ បង្ខិតបង្ខំមួយអោយទទួលយកសាកសព របស់Alien មួយនៅសហព័ន្ធរុស្សី ។ ស្ត្រីចំ ណាស់ម្នាក់ដែលរស់នៅភូមិKashtim បាន ប្រទះឃើញសត្វចម្លែកតូចមួយនៅជិតភ្នំ

អានបន្ត »

ផ្កាយរណបមួយកំពុងធ្លាក់មកលើផែនដី

ផ្កាយរណបដែលកំពុងធ្លាក់មកលើផែនដី

តាមប្រភពពត៌មានCNN បានប្រាប់អោយ ដឹងថាផ្កាយរណបរបស់អឺរុបដែលអស់ប្រេងឥន្ទនៈកំពុងតែធ្លាក់មកលើផែដីវិញក្នុងរយៈ២ទៅ៣ថ្ងៃខាងមុខនេះ ។ ផ្កាយរណបដែល មានទម្ងន់900 Kg នេះនឹងបំបែកខ្លួនជា បំណែក តូចៗមុននឹងធ្លាក់មកលើផ្ផែនដី ។គ្មាននរណាដឹងថាតើបំណែកផ្កាយរណប នោះធ្លាក់ នៅទីណាពិតប្រាកដ និងពេល ណាពិតប្រាកដទេប៉ុន្តែទីភ្នាក់ងារអវកាស របស់សភាពអឺរ៉ុបបាននិយាយថាបំណែកនៃ ផ្កាយរណបនេះទំនងជាធ្លាក់នៅក្នុងសមុទ្រ ឫនៅតំបន់ដែលមានប្រជាជនរស់នៅតិច

អានបន្ត »

ការពិតអំពីUFO-Alien (ភាគទី៤)

រូបភាពUFO ថតបាននៅថ្ងៃទី០៥.០៧.១២

លោកPhillip Spencer ជាប៉ូលីសនៅទីក្រុងឡុងនៃប្រទេសអង់ គ្លេស បានផ្លាស់ប្តូរទីលំនៅទៅ Ilkley Moor ក្រោយពីបានលាឈប់ពីការងាររបស់គាត់ ។ នៅពេលគាត់កំពុងថតរូបភាពនៃទឹកបឹងគាត់បានព្ញសូរសម្លេងចម្លែក និងឃើញសត្វមួយតូចពណ៌បៃតងដែលមានកម្ពស់១ម៉ែត្រ២តឹក ។ គាត់បានបាញ់សត្វនោះ សត្វនោះបែរក្រោយហើយលើកដៃម្ខាងគ្រវីលា ហើយរត់គេចយ៉ាងរហ័សដែលមានល្បឿនលឿនជាងមនុស្ស ។ គាត់បានរត់ដេញតាមសត្វចម្លែក ហើយក៏បានប្រទះឃើញថាស់ហោះពណ៌ប្រាក់ដ៏ធំមួយហោះចេញទៅ ហើយចូលក្នុងពពកយ៉ាងលឿនបាត់ស្រមោលតែម្តង ។ គាត់បានយល់ថាសម្លេងចម្លែកនោះគឺចេញមកពីថាសហោះនេះយ៉ាងពិតប្រាកដ ។ គាត់បានវង្វេងផ្លូវជាង២ម៉ោងដោយសារតែត្រីវិស័យរបស់គាត់មានដំណើរការខុស

អានបន្ត »

គម្រោងMars One (ភាគទី៣)

លោក Lansdorp ដែលជាអ្នកគ្រប់គ្រង គម្រោង Mars One បានបញ្ជាក់ថាប្រាក់ ចំណូលបានមក ពីការទិញសំបុត្រទៅកាន់ ភពអង្គារនាឆ្នាំ២០២៣នេះ គឺមានច្រើនអនេក គាត់នឹងធ្វើការផ្សព្វផ្សាយតាម ទូរទស្សន៍ ។ លោក Lansdorp បន្ថែមថាគម្រោងនេះនឹងរក បានប្រាក់៦ពាន់លានដុល្លាសម្រាប់បញ្ជូន មនុស្ស៤នាក់ដំបូងទៅកាន់ភព
អង្គារនិង ទទួលបាន៤ពាំន់លានដុល្លាទៀតសម្រាប់ ក្រុមនិមួយៗជាបន្តបន្ទាប់ទៀត ។

អានបន្ត »

ការពិតអំពី UFO-Alien (ភាគទី៣)

ជាច្រើនឆ្នាំក្រោយពីព្រឹត្តិការណ៍នោះ មានការជជែកតៗគ្នាអំពីការរកឃើញបំណែក UFO ដែលធ្លាក់នោះដោយក្រុមយោធា ។ ទីតាំងដ៏ធំមួយជាមួយនឹងបំណែកយានអវកាសរបស់មនុស្សក្រីៅភពត្រូវបានគេរកឃើញ ប៉ុន្តែបំណែកទាំងនោះមានលក្ខណៈមិនដូចលោហធាតុនៅលើផែនដីឡើយ ។ ដូច្នេះយើងឃើញថាទោះបីជាទ្រឹស្តីហាក់ដូចជាមានការប្រឆាំងខ្លះៗក៏ដោយ ក៏ប៉ុន្តែភាពពិតនៃ UFO ត្រូវបានគេរកឃើញយ៉ាងពិតប្រាកដ ។ មានប្រជាជនជាច្រើនបាន

អានបន្ត »

គម្រោងMars One (ភាគ២)

Mars One នឹងបង្ហោះយានអវកាសដែលគ្មាន    មនុស្សបើក ទៅកាន់ពិភពពណ៌ក្រហម(ភពអង្គារ)នៅឆ្នាំ ២០១៦

សូមរំលឹកថាកាលពីថ្ងៃមុន Khmer Science News   (KSN)បានចុះផ្សាយអំពី   គម្រោង Mars One ដែលនឹងត្រូវបញ្ជូន មនុស្ស អោយទៅរស់នៅលើភពព្រះអង្គារ នៅឆ្នាំ  ២០២៣ តាមរយៈការទិញសំបុ

អានបន្ត »

ការពិតអំពី UFO-Alien (ភាគ២)

ការជួបប្រទះរបស់លោកKenneth Arnold នៅឆ្នាំ១៩៤៧: នៅរដ្ឋវ៉ាស៊ីនតោន សហរដ្ឋអាមេរិកនាម៉ោង៣រសៀល លោក

Kenneth Arnold គឺជាអ្នកបើកបរយន្តហោះ

ឯកជននិងជាអ្នកលក់ដូរឧបករណ៍ពន្លត់

អគ្គីភ័យម្នាក់នៅIdoha កំពុងបើកបរយន្ត

ហោះលើជ្រលងភ្នំស្វែងរកបំណែកយន្ត

ហោះធ្លាក់ម៉ាកC-46 ដែលអាចបានទទួល

រង្វាន់៥០០០ដុល្លា។ គាត់មិនបានរកឃើញ

បំណែកយន្តហោះដែលធ្លាក់នោះទេ ប៉ុន្តែ

បែរជាប្រទះឃើញពន្លឺភ្លើងភ្លឺចិញ្ចាចដែល

អានបន្ត »

ការពិតអំពីថាសហោះ (The Facts about UFO) ភាគទី១

ថាសហោះមកពីពាក្យអង់គ្លេសថាUFO
(Unidentified Flying Object) មានន័យថាជាវត្ថុ
ដែលហោះហើរក្នុងអាកាសដែលមនុស្ស
មិនអាចកំណត់ថាជាអ្វីអោយពិតប្រាកដ។ កង
ទ័ពអាកាសអាមេរិកបានបង្កើតពាក្យនេះឡើង
ចាប់តាំងពីឆ្នាំ១៩៥២មក ដែលនៅពេលនោះ
ពួកគេជួបវត្ថុចម្លែកហោះហើរក្នុងអាកាសជា
លើកដំបូងបំផុតហើយមិនអាចកំណត់បានថា
ជាអ្វី ទោះបីជាអោយអ្នកជំនាញការវិភាគយ៉ាង
ហ្មត់ចត់ក៏ដោយ។ ក្រោយមកទៀតការប្រើ

អានបន្ត »

តើគេបង្ហោះផ្កាយរណបឬយានអវកាសដោយរបៀបណា ?

បច្ចុប្បន្ននេះការបញ្ជូនផ្តាយរណបទៅក្នុងតារាវិថីត្រូវធ្វើឡើងតាមការបាញ់បង្ហោះដោយកាំជ្រួច ។ ផ្កាយរណបខ្លះទៀតត្រូវភ្ជាប់ជាមួយយានអវកាសដោយបង្ហោះឡើងព្រមគ្នាតែម្តង ។ ប្រទេសជាច្រើននិងក្រុមហ៊ុនពាណិជ្ជកម្មមានកាំជ្រួចផ្សេងៗគ្នាប្រកបដោយសមត្ថភាពអាចបញ្ជូនផ្កាយរណបដែលមានទម្ងន់ច្រើនតោនទៅក្នុងតារាវិថីដោយសុវត្ថិភាព។

អានបន្ត »

អាហារសម្រាប់អ្នកអវកាស

នៅទីអវកាសវត្ថុទាំងអស់គ្មានទម្ងន់ទេ ដូច្នេះការបរិភោគអាហារអាចជួបការលំបាកមិនដូចការ បរិភោគអាហារនៅលើផែនដីទេ។ ដោយសារតែភាពគ្មានទម្ងន់អាហារមិនអាចរៀបចំធម្មតាបាន ឡើយព្រោះនឹងបណ្តាលអោយហោះហើរខ្ចាត់ខ្ចាយក្នុងយានអវកាស។ អាហារសម្រាប់អ្នកអវកាស គឺជាផលិតផលចំណីអាហារដែលផលិតឡើងជាពិសេសសម្រាប់អ្នកអវកាសនៅពេលពួកគេរស់នៅក្នុងទីអវកាស។ អាហារនេះផ្តល់នូវតុល្យភាពនៃអាហារូបត្ថម្ភក្នុងរាងកាយ សម្រាប់បុគ្គលដែល ធ្វើការនៅក្នុងទីអវកាស ដែលមានលក្ខណ:ងាយស្រួលក្នុងការទុកដាក់និងមានសុវត្ថិភាព។ នៅក្នុង ប៉ុន្មានឆ្នាំចុងក្រោយនេះអាហារសម្រាប់អ្នកអវកាសត្រូវបានប្រើប្រាស់ដោយជនជាតិផ្សេងៗដែលបានធ្វើដំណើរទៅក្នុងទីអវកាសដើម្បីអនុវត្តកម្មវិធីផ្សេងៗនៅលើស្ថានីយអវកាស ដែលនៅទីនោះ ពួកគេបានផ្លាសប្តូរវប្បធម៌គ្នាទៅវិញទៅមក។

នៅឆ្នាំ១៩៦១ លោកGagarin ដែលជាអ្នកអវកាសជនជាតិរុស្សីបានបរិភោគអាហារដែលរៀបចំជា លក្ខណ:ដូចថ្នាំដុសធ្មញ៣បំពង់ដែលមានទម្ងន់១៦០ក្រាម ដែលធ្វើឡើងពីជាតិសាច់ និងបរិភោគ ទឹកសូកូឡាសម្រាប់អាហារថ្ងៃត្រង់របស់លោក។

នៅក្នុងកម្មវិធីApollo ឆ្នាំ១៩៦៨ដល់១៩៧៥ចំណីអាហារជាច្រើនប្រភេទត្រូវបានប្រើប្រាស់នៅក្នុង បេសកកម្មApollo។ គេប្រើទឹកក្តៅស្រុះអាហារក្រៀមដែលរក្សាទុកក្នុងកញ្ចប់ផ្លាស្ទីកដើម្បីបរិភោគ។ អាហារប្រភេទនេះមានលក្ខណ:កាន់តែប្រសើរសម្រាប់អ្នកអវកាស ហើយពួកគេអាចប្រើស្លាបព្រា សម្រាប់បរិភោគអាហារនេះបានព្រោះវាមានលក្ខណ:សើម។

បច្ចុប្បន្ននេះចំណីអាហារសម្រាប់អ្នកអវកាសកាន់តែប្រសើរឡើង ដោយសារផ្លែឈើនិងបន្លែ អាច រក្សាទុកនៅក្នុងយានអវកាសបាន។ អ្នកអវកាសអាចជ្រើសរើសម្ហូបអាហារក្នុងចំណោមអាហារជា ច្រើនមុខ សូម្បីតែFruit Salad និងSpaghtti ក៏អាចជ្រើសរើសបានដែរ។ ជួនកាសអ្នកអវកាសអាច ជ្រើសរើសយក Beef jerky សម្រាប់បរិភោគក៏បាន ដោយសារតែវាមានទម្ងន់ស្រាល មានសារជាតិ ចិញ្ចឹមគ្រប់គ្រាន់ និងអាចរក្សាទុកក្នុងអវកាសដោយមិនបាច់វេចខ្ចប់។

ប្រែសម្រួល: KSN Team, Ref: Wikipedia

ផ្កាយដុះកន្ទុយ (Comet)

ជារៀងរាល់ឆ្នាំតារាវិទូបានរកឃើញផ្កាយដុះកន្ទុយថ្មីៗថែមទៀត ពួកផ្កាយដុះកន្ទុយមួយចំនួនស្ថិតនៅក្នងប្រព័ន្ធព្រះអាទិត្យហើយវិលជុំវិញព្រះអាទិត្យ។

កាលពីសម័យមុនប្រជាជនខ្មែរមានជំនឿថាបើពួកគេបានឃើញផ្កាយដុះកន្ទុយនោះគឺមានន័យថាស្រុកទេសនឹងមានសង្គ្រាមជាមិនខាន ។ ឧទាហរណ៍ជាក់ស្តែងនៅឆ្នាំ១៩៧០ ប្រជាជនខ្មែរបានឃើញផ្កាយដុះកន្ទុយ ហើយសង្គ្រាមក៏បានចាប់ផ្តើមពីពេលនោះមក។ តើផ្កាយដុះកន្ទុយជាអ្វី? ហើយវាជាប្រផ្នូលអាក្រក់អោយមានសង្គ្រាមមែនឬ?

នៅពេលដែលប្រព័ន្ធព្រះអាទិត្យចាប់កំណើតឡើងកាលពី៤៥០០លានឆ្នាំមុនធូលីនិងឧស្ម័នដែលមិនបានស្រូបចូលទៅក្នុងព្រះអាទិត្យនិងភពផ្សេងៗទៀតនោះ បានប្រមូលផ្តុំគ្នាបង្កើតជាដុំទឹកកកសំឡី ហើយគេហៅថាផ្កាយដុះកន្ទុយ (Comet) ។ ពេល ដុំទឹកកកសំឡីនោះចូលទៅជិតព្រះអាទិត្យ វាក៏ទទួលកម្តៅយ៉ាងខ្លាំងហើយផ្នែកខ្លះរបស់វាក៏បានរលាយបង្កើតជារំភាយ ឧស្ម័នយ៉ាងវែងភ្លឺដូចកាំជ្រួចដែលគេហៅថាកន្ទុយដែលជួនកាលគេអាចមើលឃើញដោយភ្នែកទទេ។ នៅពេលដែលមាន បាតុភូតផ្កាយដុះកន្ទុយគឺមនុស្សទាំងអស់នៅលើផែនដីអាចមើលឃើញគ្រប់គ្នា មិនមែនមើលឃើញតែប្រទេសណាមួយឬ ផ្នែកណាមួយនៃផែនដីឡើយ។ ដូច្នេះការមើលឃើញផ្កាយដុះកន្ទុយពុំមែនជាប្រផ្នូលអាក្រក់ឡើយ។

ដោយសារតែផ្កាយដុះកន្ទុយដែលខិតជិតមកព្រះអាទិត្យធ្វើអោយទឹកកកក្នុងខ្លួនវារលាយ ដូច្នេះរៀងរាល់ពេលដែលវាមកជិតព្រះអាទិត្យវាតែងតែបាត់បង់សារធាតុក្នុងខ្លួនវាបន្តិច។

ផ្កាយដុះកន្ទុយល្បីៗបំផុតដែលគេសង្កេតឃើញរាប់ពាន់ឆ្នាំមកហើយនោះគឺផ្កាយដុះកន្ទុយឈ្មោះហាល់ឡី និងហាល-បុប។ រៀងរាល់៧៦ឆ្នាំម្តងផ្កាយដុះកន្ទុយហាល់ឡីបានខិតមកជិតព្រះអាទិត្យនិងផែនដី។ ឯផ្កាយដុះកន្ទុយហាល-បុបគេអាចសង្កេតមើលឃើញវាច្បាស់ដោយភ្នែកទទេនៅឆ្នាំ១៩៩៧។

ប្រែសម្រួល៉៖ Khmer Science News Team (KSN Team) ប្រភពពត៌មានបរទេស

គម្រោងMarsOne

គម្រោងMarsOne កំពុងស្វែងរកមនុស្សដែលចង់ទិញសំបុត្រទៅ ពិភពព្រះអង្គារគម្រោងMarsOne មានផែនការអនុវត្តនៅ ឆ្នាំ ២០២៣។ គេហទំព័រMarsOne Project ពោរពេញទៅដោយពត៌មានដែលបញ្ជាក់អំពីគោលដៅនៃគម្រោង ប៉ុន្តែហាក់ដូចជា ខ្វះ ភាពជាក់ស្តែង។

ការធ្វើដំណើរនេះមានលក្ខណ:ឯកជនគឺមិនមែនជាការផ្សងព្រេងទៅស្វែងរកប្រយោជន៍ពីពិភពព្រះអង្គារទេ ហើយក៏មិនមែនមានលក្ខណ:ជាអាណានិគមនៅលើភពនោះដែរ។ ទោះបីជាគម្រោងនោះមិនមានភាពពិតប្រាកដក៏ដោយតែការផ្សព្វផ្សាយពត៌មាននោះតាមCNN បង្ហាញអោយឃើញថាមានអ្នកLike ក្នុងFacebook របស់គម្រោងនេះដល់ទៅជាង៩ម៉ឺននាក់។

MarsOne នឹងប្រើប្រាស់យានអវកាសដែលមានលក្ខណ:ពាណិជ្ជកម្មFalcon 9ក្នុងការបញ្ជូនមនុស្សទៅពិភពព្រះអង្គារដោយប្រើបច្ចេកវិជ្ជាដូចជាសំបកស៊ុតមួយ ហើយសំបកស៊ុតនោះអាចប្រែរូបរាងរបស់វាតាមតម្រូវការ ដូចជាប្រែក្លាយទៅជាលំនៅដ្ឋានមួយនៅលើពិភពព្រះអង្គារតែម្តង។ អ្នកវិទ្យាសាស្រ្តនឹងបញ្ជូនលំនៅស្ថានមួយបែបដែលអាចបង្កើតទឹកនិងអុកស៊ីហ្សែនដោយស្វ័យប្រវត្តិមុននឹងបញ្ជូនមនុស្សទៅដល់។ នៅពេលដែលក្រុមស្រាវជ្រាវទៅដល់ពួកគេនឹងប្រើប្រាស់ទឹកនិងអុកស៊ីហ្សែននៅលើពិភពព្រះអង្គារដើម្បីធានាជីវិតរស់នៅប្រចាំថ្ងៃ និងបន្ទាប់មកពួកគេនឹងធ្វើការដាំដុះដំណាំផ្សេងៗ។
ប្រែសម្រួល: Sun Master Ref: Science News Magazine

ការគម្រាមកំហែងដោយអាចម៍ផ្កាយនៅឆ្នាំ២០៣២ជាការពិតដែរប្ញទេ?

សូមកុំភ័យខ្លាច តែយើងក៏មិនត្រូវបំភ្លេចវាដែរ។ កាលពីខែមុនមានអាចម៍ផ្កាយដ៏ធំមួយបានធ្វើដំណើរមកជិតផែនដី អ្នកអវកាសមិនទាន់អាចបដិសេធថាអាចម៍ផ្កាយនោះអាចធ្លាក់មកលើផែនដីនៅឆ្នាំ២០៣២ទាំងស្រុងនៅឡើយទេ។អ្នកវិទ្យាសាស្ត្របានអោយឈ្មោះដុំអាចម៍ផ្កាយនោះថា 2013 TV 135 ។ អ្នកវិទ្យាសាស្ត្របានប្រាប់អោយដឹងថាយើងមិនត្រូវព្រួយបារម្ភអំពីអាចម៍ផ្កាយ 2013 TV 135 នោះទេ ប៉ុន្តែយើងត្រូវកម្ទេចដុំថ្មដ៏ប្រល័យនេះប្ញបញ្ជូនវាអោយទៅឆ្ងាយពីផែនដីនៅថ្ងៃណាមួយជាមិនខាន។

អ្នកអវកាសជនជាតិអ៊ុយក្រែនបានរកឃើញអាចម៍ផ្កាយ2013 TV 135 កាលពីថ្ងៃទី៨ តុលា ឆ្នាំ២០១៣ ក្រោយពេលដែលវាមកជិតផែនដីបំផុតនៅថ្ងៃទី១៦ កញ្ញា ឆ្នាំ២០១៣ ក្នុងចម្ងាយ៦,៧លានគីឡូម៉ែត្រពីផែនដី ប្ញប្រហែល១៧ដងនៃចម្ងាយរបស់ព្រះច័ន្ទមកផែនដី។ យោងតាមការប៉ានប្រមាណរបស់អ្នកជំនាញការទៅលើគន្លងគោចរណ៍នៃអាចម៍ផ្កាយនេះ បានអោយដឹងថាអាចម៍ផ្កាយនេះអាចមានឧកាសប៉ះទង្គិចជាមួយផែនដីនៅឆ្នាំ២០៣២ក្នុងកម្រិត ១/៦៣០០០។ លោកDon Yeoman ដែលជាអ្នកគ្រប់គ្រងអង្គភាពមួយនៅក្នុងអង្គការNASA បាននិយាយថា «ភាគរយ (Probability) នៃការមិនប៉ះទង្គិចរវាងអាចម៍ផ្កាយនេះជាមួយផែនដីគឺមានដល់ទៅ៩៩.៩៩៨ភាគរយ (គឺសឹងតែគ្មានលទ្ធភាពនឹងប៉ះទង្គិចនោះទេ)។ ជាមួយនឹងការតាមដានជាបន្តទៅទៀត ខ្ញុំមានជំនឿយ៉ាងមុតមាំថា យើងពិតជាអាចកាត់បន្ថយលទ្ធភាពនៃការប៉ះទង្គិចរវាងអាចម៍ផ្កាយនេះជាមួយផែនដីទាំងស្រុងនាពេលអនាគត»។

ប្រែសម្រួល: Sun Master Ref: NBC News Science

http://www.nbcnews.com/science/asteroid-threat-2032-dont-panic-dont-brush-it-8C11418631

Pages