Entertainment: Nature

Showing posts with label Nature. Show all posts

ផ្លូវទៅនរក (The Door to Hell)

Deweze គឺជាភូមិដ៏តូចមួយស្ថិតនៅភាគខាងជើងនៃប្រទេស Turkmenistan ដែលមានប្រជាជនរស់នៅប្រហែល៣៥០នាក់ហើយស្ថិតនៅចំកណ្តាលវាលរហោស្ថាន Karakum ។ ភូមិនេះស្ថិតនៅចម្ងាយ២៦០គម ភាគខាងជើងនៃទីក្រុង Ashgabat ។ គេបានឱ្យឈ្មោះតំបន់នេះថាជាផ្លូវទៅនរក (The Door to Hell) ដោយសារទីនោះមានមាត់រណ្តៅមួយដែលមានអង្កត់ផ្ចិត ២២៥ហ្វីត (៦៨.៥ម៉ែត្រ)និងមានភ្លើងឆេះជាប្រចាំ ។ នៅពីក្រោមរណ្តៅនេះគឺជាអាងស្តុកឧស្ម័នធម្មជាតិដ៏ធំមួយ រីឯភ្លើងដែលឆេះនៅក្នុងរណ្តៅនេះមានរយៈពេលជិតពាក់កណ្តាលសតវត្សរ៍មកហើយ។ នៅឆ្នាំ២០០៤ រដ្ឋាភិបាលបានបណ្តេញប្រជាជនចេញពីតំបន់នេះដោយសារតែលោកប្រធានាធិបតី Sapamurat Niyazov គិតថាវាមិនមែនជាកន្លែងដ៏ល្អសម្រាប់ភ្ញៀវទេសចរទេ ។

កាលពីដើមឡើយនៅទីនេះគ្មានភ្លើងឆេះជាប្រចាំដូច្នេះទេ ក៏ប៉ុន្តែនៅឆ្នាំ១៩៧១ អ្នកវិទ្យាសាស្ត្រជនជាតិរុស្សីបានជីកកាយរកឧស្ម័នធម្មជាតិនៅទីនេះ ហើយក៏បានជួបប្រទះនឹងឧស្ម័នធម្មជាតិយ៉ាងច្រើនដែលមានជាតិពុល ។ ដីដែលនៅពីក្រោមម៉ាស៊ីនខួងបានបាក់ស្រុតទៅក្រោម ហើយបង្កើតបានជារណ្តៅដែលមានទំហំ៦៨.៥ម៉ែត្រដូចសព្វថ្ងៃនេះ ។ ដើម្បីការពារកុំឱ្យឧស្ម័នពុលនេះសាយភាយដល់ទីជិតខាងអ្នកវិទ្យាសាស្ត្របានសម្រេចចិត្តថាត្រូវដុតវាចោល ។ អ្នកជំនាញខាងភូមិសាស្ត្របានគិតថាភ្លើងនឹងបំផ្លាញឧស្ម័នពុលក្នុងរយៈពេលតែប៉ុន្មានថ្ងៃតែប៉ុណ្ណោះ ប៉ុន្តែផ្ទុយទៅវិញភ្លើងនោះនៅតែឆេះរហូតដល់សព្វថ្ងៃ (៤២ឆ្នាំ) ។ អ្នកស្រុកនៅតំបន់នោះបានឱ្យឈ្មោះរណ្តៅនេះថា«ផ្លូវទៅនរក» ។

អត្ថបទ: KSN, Ref: Nster, Wikipedia

ផែនទីពិភពលោកដែលបង្ហាញអំពីការកាប់បំផ្លាញព្រែឈើ

ពណ៌ក្រហមគឺជាតំបន់ដែលព្រៃឈើត្រូវបានបំផ្លាញ(កម្ពុជា)

ក្នុងប៉ុន្មានទសវត្សរ៍ចុងក្រោយនេះព្រៃឈើជាច្រើនត្រូវបានកាប់បំផ្លាញដែលបណ្តាលឱ្យតំបន់ដែលគ្របដណ្តប់ដោយព្រៃឈើមានការប្រែប្រួលយ៉ាងខ្លាំង ដូច្នេះហើយអ្នកដែលប្រើប្រាស់ទិន្នន័យប្រព័ន្ធបរិស្ថានជួបប្រទះការលំបាកយ៉ាងខ្លាំង ។ នៅក្នុងការសិក្សាថ្មីមួយអ្នកវិទ្យាសាស្ត្របានប្រើប្រាស់ទិន្នន័យពីផ្កាយរណបដែលសង្កេតជុំវិញផែនដីបង្កើតជាផែនទីពិភពលោកមួយស្តីអំពីការបាត់បង់ព្រៃឈើនៅក្នុងឆ្នាំ២០០០ដល់ឆ្នាំ២០១២ពីអវកាសដែលមានResolution ខ្ពស់ ។ គេបានសង្កេតឃើញថាព្រៃឈើដែលបាត់បង់សរុបមាន២.៣លានគមការេ រីឯព្រៃឈើដែលដុះឡើងវិញមាន ០.៨លានគមការេ ។ តំបន់ត្រូពិកគឺជាតំបន់មួយដែលគេចាប់អារម្មណ៍បំផុតដោយតំបន់នេះបានបាត់បង់ព្រៃឈើ២១០១គមការេ ក្នុង១ឆ្នាំ ។ ប្រទេសប្រេហ្ស៊ីលមានរបាយការណ៍យ៉ាងល្អអំពីការកាត់បន្ថយនៃការកាប់បំផ្លាញព្រៃឈើ ផ្ទុយទៅវិញការកាប់បំផ្លាញព្រៃឈើកើនឡើងនៅប្រទេសឥណ្ឌូណេស៊ី ម៉ាឡេស៊ី ប៉ារ៉ាហ្គាយ បូលីវីយ៉ា ហ្សំបៀ អង់ហ្គូឡានិងប្រទេសដទៃទៀត ។ ចំណែកឯតំបន់ដែលស្ថិតនៅក្បែរតំបន់ត្រូពិកនោះក៏មានការកាប់បំផ្លាញព្រៃឈើច្រើនណាស់ដែរ ។ មូលហេតុបន្ទាប់នៃការបាត់បង់ព្រៃឈើគឺបណ្តាលមកពីភ្លើងឆេះព្រៃក៏មានច្រើនដែរ មូលហេតុទាំង២នេះ (ការកាប់ដោយមនុស្ស និងភ្លើងឆេះ) បង្កឱ្យមានការផ្លាស់ប្តូរនូវតំបន់ដែលគ្របដណ្តប់ដោយព្រៃឈើក្នុងពិភពលោក ។

ព្រៃឈើនៅប្រទេសកម្ពុជាត្រូវបានគេវាយតម្លៃថាបាត់បង់សរុបអស់២៥,០០០គមការេ ក្នុងចន្លោះពីឆ្នាំ១៩៩០ដល់ឆ្នាំ២០០៥ ។ នៅឆ្នាំ២០០៧ ព្រៃឈើសំខាន់ៗនៅសល់មិនដល់៣,២២០គមការេទេ (សូមអភ័យទោសដែលយើងគ្មានទិន្នន័យថ្មីៗ) ។

អត្ថបទ: KSN, Ref: Science Mag, Wikipedia

តំបន់អាថ៌កំបាំងនៅលើផែនដីៈ The Richat Structure

The Richat Structure

រចនាសម្ព័ន្ធ Richat (The Richat Structure) ស្ថិតនៅប្រទេស Mauritania នៃតំបន់វាលខ្សាច់សាហារ៉ានៃទ្វីបអាហ្វ្រីក ។ រចនាសម្ព័ន្ធRichat ត្រូវបានគេហៅថាជាភ្នែកនៃសាហារ៉ា(Eye of The Sahara) ឫុភ្នែកនៃទ្វីបអាហ្វ្រីក (Eye of Africa) ។ រចនាសម្ព័ន្ធនេះត្រូវបានរកឃើញពីដំបូងបំផុតដោយក្រុមអ្នកអវកាសចាប់ពីបេសកកម្មលើកទី១មក ។ ភ្នែកសាហារ៉ានេះមានអង្កត់ផ្ចិតដល់ទៅ៣០ម៉ាយ(៤៨គម) ។ ពីដំបូងអ្នកវិទ្យាសាស្ត្របានឱ្យសមត្ថកម្មថារចនាសម្ព័ន្ធដ៏ធំបែបនេះកើតមានដោយសារការប៉ះទង្គិចរវាងអាចម៍ផ្កាយជាមួយផែនដី ។ ប៉ុន្តែទ្រឹស្តីក្រោយៗទៀតបានលើកឡើងថាវាលទ្ធផលនៃសំណឹកទៅវិញ ។ ដោយសារតែមានវត្តមាននៃថ្មដែលជាកំអែភ្នំភ្លើងគេបានគិតថាវាជាភ្នំភ្លើងដ៏ធំមួយនាអតីតកាលដ៏យូរលង់ ។ ទោះជាយ៉ាងណាក៏ដោយអ្នកវិទ្យាសាស្ត្របរាជ័យក្នុងការបកស្រាយឱ្យបានច្បាស់លាស់អំពីរង្វង់ដែលកើតឡើងដោយរចនាសម្ព័ន្ធនេះ ។

អត្ថបទ: KSN, Ref: Nster, Wikipedia

ក្តាមចម្លែកមានភ្នែក៣

អ្នកវិទ្យាសាស្ត្របានរកឃើញក្តាមមួយដ៏ចម្លែកគឺក្តាមនោះមានភ្នែកដល់ទៅ៣ ដូចជាត្រីម៉្យាងដែលគេបង្កើតឡើងនៅក្នុងភាពយន្តដោយហៅថាMutant fish (គឺត្រីដែលកែប្រែទ្រង់ទ្រាយរបស់វា) ដោយសារវាប៉ះពាល់នឹងឥទ្ធិពលនុយក្លេអ៊ែរ ។ ផ្ទុយពីត្រីភ្នៃក៣នេះក្តាមចម្លែកដែលរស់នៅក្នុងទឹកសាបនេះត្រូវបានគេជឿថាវាជាការរួមផ្សំគ្នានៃក្តាម២ ដែលជាក្តាមភ្លោះ ។ ក្តាមមួយទៀតមិនមានរូបរាងអ្វីទេគ្រាន់តែជាភាគផ្សំនៃក្បាលតែប៉ុណ្ណោះ។ លោក Gerhard Scholtz នៅសកលវិទ្យាល័យ Humboldt នៃប្រទេសអាល្លឺម៉ង់ បានរកឃើញក្តាមនេះក្នុងបឹង Hoteo នៃប្រទេស New Zealand តាំងពីឆ្នាំ២០០៧ មកម៉្លេះ ។ ក្រៅពីភ្នែក៣ដ៏ចម្លែករបស់វានៅមានចំណុចពិសេសមួយទៀតគឺនៅលើខ្នងរបស់វាមានសរីរាង្គមួយដុះចេញមកដូចជាអង់តែន ។ ពីមុនមកគេមិនដែលឃើញសត្វណាមានលក្ខណៈចម្លែកដូចនេះឡើយ ។

នៅពេលដែលលោក Scholtz និងសហការីរបស់គាត់ពិនិត្យក្តាមនេះយ៉ាងហ្មត់ចត់គាត់បានឃើញថាក្តាមនេះក៏មានខួរក្បាលមិនប្រក្រតីដែរគឺខួរក្បាលរបស់វាតូចហើយមានរូបរាងមិនធម្មតា ។ លោក Scholtz បានសន្និដ្ឋានថាក្តាមនេះពិតជាកើតឡើងដោយសារការផ្សំគ្នានៃក្តាម២ (ក្តាមភ្លោះ) ។ យោងតាមទ្រឹស្តីនេះក្តាមភ្លោះដែលមានក្បាលជាប់គ្នានេះមានភ្នែកបន្ថែម១គូទៀតបន្ថែមលើភ្នែក២ធម្មតារបស់វា ។ ភ្នែក១នៅខាងមុខដែលស្ថិតចន្លោះភ្នែក១គូធម្មតាវិវត្តតាមធម្មតាចំណែកឯភ្នែកមួយទៀតត្រូវរុញច្រានទៅខាងក្រោយហើយប្រែក្លាយទៅជាអង់តែនមួយ ប៉ុន្តែភ្នែកទី៤នេះខូចមុខងាររបស់វាគឺមិនអាចមើលឃើញទេ ។ សរុបមកក្តាមនេះមានភ្នែក៣អាចប្រើការបាន ។

អត្ថបទ: KSN, Ref: New Scientist

ទឹកកកបូរាណបង្ហាញអំពីលក្ខខ័ណ្ឌអាកាសធាតុក្នុងសម័យកាលដ៏យូរលង់

ក្រុមអ្នកស្រាវជ្រាវសង្ឃឹមថាការរកឃើញទឹកកកបូរាណនៅឧបទ្វីបអង់តាក់ទិកនឹងនាំឱ្យពួកគេរកឃើញពត៌មានដ៏ជាក់លាក់អំពីកម្រិតកាបោនឌីអុកស៊ីតដែលកើតមាននៅក្នុងយុគសម័យទឹកកកជាច្រើនដងនៅលើផែនដី ។ ក្រុមអ្នកវិទ្យាសាស្ត្ររួមទាំងលោកTas van Ommen ដែលមកពី Hobart-based Australian Antarctic Division និយាយថាពួកគេរកឃើញផ្ទាំងទឹកកកដែលមានអាយុ១.៥លានឆ្នាំមុន គឺមានរយៈពេលប្រហែល២ដងបើប្រៀបធៀបទៅនឹងយុគសម័យទឹកកកកន្លងមកនា៨សែនឆ្នាំមុន ។នៅក្នុងទស្សនាវត្តីThe Climate of the Past បានសរសេរថាអ្នកស្រាវជ្រាវបានរកឃើញទឹកកកដែលមានអាយុយូរលង់មកហើយនេះនៅតំបន់មួយនៅប៉ែកខាងកើតនៃឧបទ្វីបអង់តាក់ទិកដែលស្ថិតនៅជម្រៅប្រហែល២.៥គម ពីផ្ទៃទឹកកកខាងលើ ។ Dr. Van Ommen និយាយថាការរកឃើញទឹកកកនេះគឺជាគន្លឹះមួយយ៉ាងសំខាន់ដែលអាចឱ្យយើងរកឃើញកម្រិតនៃកាបោនឌីអុកស៊ីតនាសម័យនោះ ( សូមបញ្ជាក់ថាកម្រិតនៃកាបោនឌីអុកស៊ីតអាចឱ្យអ្នកវិទ្យាសាស្ត្រអាចកំណត់អាយុកាលនៃវត្ថុផ្សេងៗបាន)។

Dr. Van Ommen បានបន្ថែមទៀតថា«យុគសម័យទឹកកកបានកើតឡើងនៅលើផែនដីនា៩សែនឆ្នាំមុន ហើយក៏បានបាត់ទៅវិញនិងកើតមានម្តងទៀតឆ្លាស់គ្នាជាទៀងទាត់ក្នុងរយៈពេល១សែនឆ្នាំម្តង ។ ប៉ុន្តែមុនសម័យកាលនោះវដ្តនៃយុគទឹកកកមានរយៈពេលតែ៤ម៉ឺនឆ្នាំទេ ។ ដោយមានការយល់ដឹងយ៉ាងច្បាស់លាស់អំពីផលប៉ះពាល់របស់កាបោនឌីអុកស៊ីតនេះចំពោះអាកាសធាតុ យើងអាចនិយាយបានថាការផ្លាស់ប្តូរអាកាសធាតុនៅលើផែនដីស្ថិតនៅយូរអង្វែងតទៅទៀត»។

ទស្សនាវត្តីThe Climate of the Past បានសរសេរទៀតថា«ការរកឃើញផ្ទាំងទឹកកកដែលមានអាយុ១.៥លានឆ្នាំនេះធ្វើឱ្យអ្នកវិទ្យាសាស្រ្តដឹងថាយុគសម័យទឹកកកនៅលើផែនដីមានការផ្លាស់ប្តូរដោយកើនរយៈពេល២ដងក្នុងកំឡុងពេល៩សែនទៅ១.២លានឆ្នាំកន្លងមក ។

អត្ថបទ: KSN, Ref: The Sydney Morning Herald

ភ្នំភ្លើងដែលគ្រោះថ្នាក់ជាងគេនៅលើលោក

ភ្នំភ្លើង Mauna Loa កោះហាវ៉ៃ

ភ្នំភ្លើងSakurajima ដែលកាលពីមុនវាគ្រាន់តែជាកោះមួយតែប៉ុណ្ណោះតែឥឡូវនេះវា បានភ្ជាប់ខ្លួនវាទៅនឹងដីគោកទៅហើយ ជាភ្នំភ្លើងដែលផ្ទុះញឹកញាប់ជាងគេបំផុតនៅប្រទេសជប៉ុន ។ ការផ្ទុះភ្នំភ្លើងនេះរួមទាំងការផ្ទុះធំៗនិងការផ្ទុះតូចៗមានដល់ទៅរាប់ពាន់ដងក្នុងមួយឆ្នាំៗ ។ ទីក្រុង Kagoshima មាន ប្រជាជនរស់នៅប្រហែល៧០០០០០នាក់ ហើយស្ថិតនៅតែ2-3 គមប៉ុណ្ណោះពីភ្នំភ្លើងនេះ ។

អានបន្ត »

ការផ្ទុះភ្នំភ្លើងដ៏ចម្លែកមួយ

កាលពីដើមខែមករា ឆ្នាំ២០១៣នេះ ភ្នំ ភ្លើងឈ្មោះSakurajima ដែលស្ថិតនៅ ប៉ែកខាងត្បូងនៃប្រទេសជប៉ុនបានផ្ទុះ ឡើង ។ ពពុះម៉ាក់ម៉ាដែលកំពុងតែមាន កម្តៅយ៉ាងខ្លាំងនោះបានជះពន្លឺនិងផ្ទុះឡើងយ៉ាងខ្លាំងចេញជាវត្ថុរាវហូរស្រោច មកលើផែនដី។ ចំណុចគួរអោយកត់សម្គាល់នៅក្នុងរូបភាពគឺជាផ្លេកបន្ទោរដែលកើតមាននៅកំពូលភ្នំ Sakurajima នៅចំពេលភ្នំភ្លើងកំពុងតែផ្ទុះ ។ ការមាន ផ្លេកបន្ទោរនៅពេលមានព្យុះភ្លៀងគឺជា

អានបន្ត »

អាថ៌កំបាំងនៃតំបន់ត្រីកោណ Bermuda

តំបន់ត្រីកោណBermuda

តំបន់ត្រីកោណ Bermuda ស្ថិតនៅក្នុងមហាសមុទ្រអាត្លង់ទិក ហើយនៅចន្លោះចំណុច៣គឺកោះBermuda, Puerto Ricoនិងរដ្ឋ Florida សហរដ្ឋអាមេរិក (សូមមើលផែនទី) ។ ដោយ សារ វាស្ថិតនៅចន្លោះចំណុចគោលទាំង៣ នេះទើបគេហៅតំបន់នោះថា ត្រីកោណ Bermuda ។

រឿងរ៉ាវចាប់ផ្តើមឡើងជាមួយនឹងយន្តហោះចម្បាំង៥គ្រឿងដែលបានចាកចេញពីរដ្ឋ Florida នៅថ្ងៃទី ៥ ធ្នូ ១៩៤៥ ក្នុងហ្វឹកហាត់

អានបន្ត »

ព្រៃអាម៉ាហ្សូន (Amazon Rain-forest)

ព្រៃអាម៉ាហ្សូនគឺជាព្រៃដ៏ធំជាងគេនៅលើពិភពលោក មានសត្វរស់នៅច្រើនប្រភេទ ជាគម្របធម្ម ជាតិលើផ្ទៃដីដ៏ធំល្វឹងល្វើយ និងមានតួនាទីជាអ្នកថែរក្សាអាកាសធាតុនៅលើផែន ដីទៀតផង ។ ព្រៃ នេះស្ថិតនៅឧបទ្វីបអាមេរិកខាងជើងដែលគ្របដណ្តប់លើផ្ទៃដីសរុបដល់ទៅ៧លានគម ការេ ដែល ក្នុងនោះ៥.៥លានគម ការេជាព្រៃដែលទាក់ទាញទឹកភ្លៀង (Rain-forest)។ ព្រៃអាម៉ាហ្សូនគ្របដណ្តប់ លើផ្ទៃដីដល់ទៅ៩ប្រទេសរួមមានប្រេហ្ស៊ីល (៦០%) ប៉េរូ (១៣%) កូឡុំប៊ី (១០%) និងផ្ទៃដីសល់ពី

អានបន្ត »

ច័ន្ទគ្រាស

វេលាទាបភ្លឺ ថ្ងៃទី ១៩តុលា អ្នកស្រឡាញ់តារាសាស្ដ្រនឹងមានឱកាសទស្សនាមួយផ្នែកនៃបាតុភូត ជាយចន្ទ្រគ្រាស ពាក់កណ្ដាលងងឹត។ នេះក៏ជាបាតុភូតចន្ទ្រគ្រាសចុងក្រោយ ក្នុងឆ្នាំនេះ។

ជាយចន្ទ្រគ្រាសដែលនឹងកើតឡើងនៅវេលាទាបភ្លឺ ថ្ងៃទី ១៩ តុលាខាងមុខ មិនមែនជាចន្ទ្រគ្រាស ទាំងស្រុងនោះទេ ដោយសារមានតែមួយផ្នែកធំរបស់ព្រះចន្ទ្រ គោចរចូលក្នុងតំបន់ពាក់កណ្ដាលងងឹតរបស់ផែនដី។ បាតុភូតនេះ នឹងចាប់ផ្ដើមនៅវេលាម៉ោងប្រហែល ៤ និង៥៣នាទី និងបញ្ចប់នៅវេលាម៉ោង ៨ និង ៤៨នាទីព្រឹកថ្ងៃទី ១៩ តុលា។

ដោយសារតែ ព្រះចន្ទ្រនឹងលិចនៅវេលាម៉ោងប្រហែល ៥ និង ៣០នាទី ថ្ងៃទី ១៩ តុលា ដូច្នេះ ប្រជាជនកម្ពុជា អាចគយគន់បាតុភូតនេះ ចាប់ពីម៉ោង ៤ និង ៥៣នាទី ដល់ម៉ោង ៥ និង ៣០នាទី ដែលពេលនោះ ព្រះចន្ទ្រស្ថិតនៅឯនាយជើងមេឃខាងលិច។

តើទឹកជំនន់កើតឡើងដោយសារអ្វីខ្លះ?

ទឹកជំនន់កើតមានជាញឹកញាប់បំផុតដោយសារការធ្លាក់ភ្លៀងយ៉ាងខ្លាំងក្លាហើយអាងស្តុកទឹកធម្មជាតិមិនអាចទទួលបរិមាណទឹកដែលលើសបានគ្រប់គ្រាន់ ទោះជាយ៉ាងណាក៏ដោយទឹកជំនន់ មិនមែនកើតឡើងជានិច្ចជាកាលដោយសារទឹកភ្លៀងតែម៉្យាងនោះ ទេវាអាចកើតឡើងពីបាតុភូត ផ្សេងៗដែរដូចជាការជោរជន់ទឹកពីតំបន់ឆ្នេរដែលបណ្តាលមកពីព្យុះស៊ីក្លូនដែលកើតមានយ៉ាង លឿនជាងការរំពឹងទុក រលកយក្សស៊ូណាមី ប្ញទឹកជោរឡើងខ្លាំងស្របពេលជាមួយគ្នានឹងការឡើង ជន់ខ្លាំងលើសពីកំរិតធម្មតានៃទឹកស្ទឹងប្ញទន្លេ។ សូម្បីតែក្នុងរដូវរាំងស្ងួត ការបាក់ធ្លាយទំនប់ទឹក ដោយសារការរំជួយផែនដី ក៏ជាកត្តាមួយដែលបណ្តាលអោយមានទឹកជំនន់នៅតំបន់ ក្រោមខ្សែទឹក ដែរ។

ប្រែសម្រួលដោយ Sun Master ប្រភព: ពត៌មានបរទេស

Flooding occurs most commonly from heavy rainfall when natural watercourses do not have the capacity to convey excess water. However, floods are not always caused by heavy rainfall. They can result from other phenomena, particularly in coastal areas where inundation can be caused by a storm surge associated with a tropical cyclone, a tsunami or a high tide coinciding with higher than normal river levels. Dam failure, triggered for example by an earthquake, will result in flooding of the downstream area, even in dry weather conditions.

Pages