ការធ្វើដំណើរនេះមានលក្ខណ:ឯកជនគឺមិនមែនជាការផ្សងព្រេងទៅស្វែងរកប្រយោជន៍ពីពិភពព្រះអង្គារទេ ហើយក៏មិនមែនមានលក្ខណ:ជាអាណានិគមនៅលើភពនោះដែរ។ ទោះបីជាគម្រោងនោះមិនមានភាពពិតប្រាកដក៏ដោយតែការផ្សព្វផ្សាយពត៌មាននោះតាមCNN បង្ហាញអោយឃើញថាមានអ្នកLike ក្នុងFacebook របស់គម្រោងនេះដល់ទៅជាង៩ម៉ឺននាក់។
MarsOne នឹងប្រើប្រាស់យានអវកាសដែលមានលក្ខណ:ពាណិជ្ជកម្មFalcon 9ក្នុងការបញ្ជូនមនុស្សទៅពិភពព្រះអង្គារដោយប្រើបច្ចេកវិជ្ជាដូចជាសំបកស៊ុតមួយ ហើយសំបកស៊ុតនោះអាចប្រែរូបរាងរបស់វាតាមតម្រូវការ ដូចជាប្រែក្លាយទៅជាលំនៅដ្ឋានមួយនៅលើពិភពព្រះអង្គារតែម្តង។ អ្នកវិទ្យាសាស្រ្តនឹងបញ្ជូនលំនៅស្ថានមួយបែបដែលអាចបង្កើតទឹកនិងអុកស៊ីហ្សែនដោយស្វ័យប្រវត្តិមុននឹងបញ្ជូនមនុស្សទៅដល់។ នៅពេលដែលក្រុមស្រាវជ្រាវទៅដល់ពួកគេនឹងប្រើប្រាស់ទឹកនិងអុកស៊ីហ្សែននៅលើពិភពព្រះអង្គារដើម្បីធានាជីវិតរស់នៅប្រចាំថ្ងៃ និងបន្ទាប់មកពួកគេនឹងធ្វើការដាំដុះដំណាំផ្សេងៗ។
ប្រែសម្រួល: Sun Master Ref: Science News Magazine
