 |
| ផ្កាយរណបGOCE បានធ្លាក់នៅកោះFalkland |
កាលពីសប្តាហ៍មុន Khmer Science News (KSN) បានចុះផ្សាយអំពីផ្កាយរណបGOCE របស់សហភាពអឺរ៉ុបដែលអស់ប្រេងឥន្ទនៈហើយកំពុងតែធ្លាក់ចុះមកកាន់ផែនដីវិញ នៅពេលនេះយើងបានទទួលដំណឹងតាមរយៈBBC News ថាវាបានធ្លាក់មកដល់ផែនដីវិញហើយដោយមិនបង្កឱ្យមានគ្រោះថ្នាក់ដល់ជីវិតមនុស្សឫុទ្រព្យសម្បត្តិអ្វីឡើយ ។ លោកBill Chater ដែលជាអ្នកស្រុកនៅកោះFalkland (ស្ថិតនៅក្នុងសមុទ្រអាត្លង់ទិកក្បែរប្រទេសអាហ្សង់ទីន) បានមើលឃើញទិដ្ឋភាពនៃការធ្លាក់ចុះនេះព្រមទាំងបានថតរូបទុកទៀតផង នៅពេលដែលគាត់ចេញក្រៅផ្ទះដើម្បីមើលសត្វPenguins ។ លោកBill Chater បានរៀបរាប់ប្រាប់អ្នកសារ
ពត៌មានថា«ពីដំបូងខ្ញុំបានឃើញថា វាហាក់ដូចជាផ្កាយមួយកំពុងតែធ្លាក់មកលើផែនដី តែបន្តិចក្រោយមកទើបខ្ញុំដឹងថាវាជាផ្កាយរណបដែលធ្លាក់មកលើផែនដី ដោយសារខ្ញុំបានស្តាប់ពត៌មានBBC កាលពី១ម៉ោងមុននេះ» ។ លោកបានបន្ថែមទៀតថា«នៅពេលដែលវាធ្លាក់មក ខ្ញុំឃើញជាឆ្នូតពន្លឺមួយយ៉ាងវែងលាយឡំជាមួយនឹងផ្សែងពណ៌សនៅក្នុងផ្ទៃមេឃ បន្តិចក្រោយមកដោយសារតែចាំងនឹងពន្លឺព្រះអាទិត្យខ្ញុំក៏មើលវាលែងឃើញតែម្តង» ។
ផ្កាយរណបGoce បានធ្លាក់ចុះមកលើផែនដីវិញនៅយប់ថ្ងៃអាទិត្យ ម៉ោង00:16 នាទីម៉ោងសកលត្រូវនឹង ម៉ោង៧និង១៦នាទីព្រឹកថ្ងៃអាទិត្យម៉ោងនៅប្រទេសកម្ពុជា ។ ការធ្លាក់ផ្កាយរណបនេះគឺជាការធ្លាក់ផ្កាយរណបលើកដំបូងរបស់ទីភ្នាក់ងារអវកាសសហភាពអឺរ៉ុបដែលមិនអាចគ្រប់គ្រងបានក្នុងរយៈពេល២៥ឆ្នាំនេះ ។ ផ្កាយរណបGoce មានទម្ងន់ប្រហែល១តោនហើយវាអាចបង្កគ្រោះថ្នាក់ប្រសិនបើវាធ្លាក់ចំទីប្រជុំជន ។ ផ្កាយរណបនេះបានធ្វើដំណើរជុំវិញផែនដីអស់រយៈពេល៤ឆ្នាំក្នុងការផលិតផែនទីដ៏ច្បាស់លាស់មួយអំពីទំនាញផែនដី ហើយវាធ្លាក់ចុះមកផែនដីវិញដោយសារវាអស់ប្រេងឥន្ទនៈ ។ កម្តៅនៃបរិយាកាសរបស់ផែនដីនិងល្បឿននៃការធ្លាក់ចុះបានធ្វើឱ្យGoce បែកជាបំណែកនៅរយៈកម្ពស់៨០គម ពីផែនដី ។ អ្នកជំនាញការបាននិយាយថាបំណែកនៃផ្កាយរណបនេះអាចនៅសល់ប្រហែលជា២០០ទៅ២៥០គក្រ ប្រសិនជាដូច្នេះមែនបំណែកដែលខូចខាតទាំងនេះគឺស្ថិតនៅក្នុងបាតសមុទ្រអាត្លង់ទិក ។ ទោះជាយ៉ាងណាក៏ដោយទិន្នន័យដែលផ្កាយរណបនេះប្រមូលបានគឺមានប្រយោជន៍សម្រាប់មនុស្សលោក ។
អត្ថបទ: KSN Team, Ref: BBC News
ពត៌មានថា«ពីដំបូងខ្ញុំបានឃើញថា វាហាក់ដូចជាផ្កាយមួយកំពុងតែធ្លាក់មកលើផែនដី តែបន្តិចក្រោយមកទើបខ្ញុំដឹងថាវាជាផ្កាយរណបដែលធ្លាក់មកលើផែនដី ដោយសារខ្ញុំបានស្តាប់ពត៌មានBBC កាលពី១ម៉ោងមុននេះ» ។ លោកបានបន្ថែមទៀតថា«នៅពេលដែលវាធ្លាក់មក ខ្ញុំឃើញជាឆ្នូតពន្លឺមួយយ៉ាងវែងលាយឡំជាមួយនឹងផ្សែងពណ៌សនៅក្នុងផ្ទៃមេឃ បន្តិចក្រោយមកដោយសារតែចាំងនឹងពន្លឺព្រះអាទិត្យខ្ញុំក៏មើលវាលែងឃើញតែម្តង» ។
ផ្កាយរណបGoce បានធ្លាក់ចុះមកលើផែនដីវិញនៅយប់ថ្ងៃអាទិត្យ ម៉ោង00:16 នាទីម៉ោងសកលត្រូវនឹង ម៉ោង៧និង១៦នាទីព្រឹកថ្ងៃអាទិត្យម៉ោងនៅប្រទេសកម្ពុជា ។ ការធ្លាក់ផ្កាយរណបនេះគឺជាការធ្លាក់ផ្កាយរណបលើកដំបូងរបស់ទីភ្នាក់ងារអវកាសសហភាពអឺរ៉ុបដែលមិនអាចគ្រប់គ្រងបានក្នុងរយៈពេល២៥ឆ្នាំនេះ ។ ផ្កាយរណបGoce មានទម្ងន់ប្រហែល១តោនហើយវាអាចបង្កគ្រោះថ្នាក់ប្រសិនបើវាធ្លាក់ចំទីប្រជុំជន ។ ផ្កាយរណបនេះបានធ្វើដំណើរជុំវិញផែនដីអស់រយៈពេល៤ឆ្នាំក្នុងការផលិតផែនទីដ៏ច្បាស់លាស់មួយអំពីទំនាញផែនដី ហើយវាធ្លាក់ចុះមកផែនដីវិញដោយសារវាអស់ប្រេងឥន្ទនៈ ។ កម្តៅនៃបរិយាកាសរបស់ផែនដីនិងល្បឿននៃការធ្លាក់ចុះបានធ្វើឱ្យGoce បែកជាបំណែកនៅរយៈកម្ពស់៨០គម ពីផែនដី ។ អ្នកជំនាញការបាននិយាយថាបំណែកនៃផ្កាយរណបនេះអាចនៅសល់ប្រហែលជា២០០ទៅ២៥០គក្រ ប្រសិនជាដូច្នេះមែនបំណែកដែលខូចខាតទាំងនេះគឺស្ថិតនៅក្នុងបាតសមុទ្រអាត្លង់ទិក ។ ទោះជាយ៉ាងណាក៏ដោយទិន្នន័យដែលផ្កាយរណបនេះប្រមូលបានគឺមានប្រយោជន៍សម្រាប់មនុស្សលោក ។
អត្ថបទ: KSN Team, Ref: BBC News
