កាលពីដើមឡើយនៅទីនេះគ្មានភ្លើងឆេះជាប្រចាំដូច្នេះទេ ក៏ប៉ុន្តែនៅឆ្នាំ១៩៧១ អ្នកវិទ្យាសាស្ត្រជនជាតិរុស្សីបានជីកកាយរកឧស្ម័នធម្មជាតិនៅទីនេះ ហើយក៏បានជួបប្រទះនឹងឧស្ម័នធម្មជាតិយ៉ាងច្រើនដែលមានជាតិពុល ។ ដីដែលនៅពីក្រោមម៉ាស៊ីនខួងបានបាក់ស្រុតទៅក្រោម ហើយបង្កើតបានជារណ្តៅដែលមានទំហំ៦៨.៥ម៉ែត្រដូចសព្វថ្ងៃនេះ ។ ដើម្បីការពារកុំឱ្យឧស្ម័នពុលនេះសាយភាយដល់ទីជិតខាងអ្នកវិទ្យាសាស្ត្របានសម្រេចចិត្តថាត្រូវដុតវាចោល ។ អ្នកជំនាញខាងភូមិសាស្ត្របានគិតថាភ្លើងនឹងបំផ្លាញឧស្ម័នពុលក្នុងរយៈពេលតែប៉ុន្មានថ្ងៃតែប៉ុណ្ណោះ ប៉ុន្តែផ្ទុយទៅវិញភ្លើងនោះនៅតែឆេះរហូតដល់សព្វថ្ងៃ (៤២ឆ្នាំ) ។ អ្នកស្រុកនៅតំបន់នោះបានឱ្យឈ្មោះរណ្តៅនេះថា«ផ្លូវទៅនរក» ។
អត្ថបទ: KSN, Ref: Nster, Wikipedia
