អ្នកវិទ្យាសាស្រ្តបានបញ្ជាក់ថា«ការធ្វើតេស្តឈាមម្តាយមានផ្ទៃពោះអាយុ៧អាទិត្យអាចដឹងអំពីភេទរបស់ទារក»

យោងតាមការវិភាគរបស់អ្នកវិទ្យាសាស្ត្រនៅក្នុងទស្សនាវត្តី Journal of the American Association ស្ត្រីដែលមានផ្ទៃពោះត្រឹម៧អាទិត្យអាចដឹងថាទារកនោះមានភេទប្រុសឬស្រីតាមរយៈការតេស្តឈាមតែប៉ុណ្ណោះ​ ។ ការធ្វើតេស្តឈាមនេះអាចបញ្ជាក់អំពីភេទរបស់ទារកក្នុងផ្ទៃ មុនការធ្វើ អេកូ​ក្រាហ្វីដល់ទៅ៣ខែហើយការធ្វើតេស្តមិនមានផ្តល់ផលវិបាកអ្វីដល់សុខភាពម្តាយនិងទារកទេ ។

• ការធ្វើតេស្តនេះគឺជាការស្វែងរកបំណែកDNA របស់ទារកដែលអណ្តែតក្នុងឈាមម្តាយ ជាពិ​សេសការធ្វើតេស្តគឺស្វែងរក Y Chromosome DNA ។​ប្រសិនបើគេរកឃើញមាន​ Y Chromosome DNA មាន័យថាស្ត្រីនោះមានកូនប្រុស តែបើរកមិនឃើញមានន័យថាស្ត្រីនោះ​មានកូនស្រី​។
• ជាការពិតការធ្វើតេស្តនេះមិនបានត្រឹមត្រូវឥតខ្ចោះនោះទេ ព្រោះពេលខ្លះអាចរកមិនឃើញ​ DNA របស់ភេទប្រុស​ ឬក៏រកឃើញ Y Chromosome ដែលមិនពិត ។
• អ្នកស្រាវជ្រាវបានធ្វើការពិសោធន៍លើស្ត្រីមានផ្ទៃពោះ​ជាង៦៥០០នាក់ ហើយបានបង្ហាញ​លទ្ធផលថា ការធ្វើតេស្តនៅអាទិត្យទី៧ដល់ទី១២មានកម្រិតត្រឹមត្រូវ៩៥% ហើយការធ្វើ​តេស្តនៅអាទិត្យទី២០មានកម្រិតត្រឹមត្រូវដល់ទៅ៩៩%​។
• ជាទូទៅវេជ្ជបណ្ឌិតនៅអឺរ៉ុបធ្វើតេស្តនេះលើស្រ្តីដែលមានជំងឺអាចប៉ះពាល់ដល់ទារកអាស្រ័យ​តាមភេទ។ ឧទាហរណ៍បើម្តាយមានជំងឺ Hemophilia (ជំងឺឈាមមិនកក) វាអាចប៉ះពាល់ដល់ទា​រកដែលមានភេទប្រុស តែមិនប៉ះពាល់ដល់ទារកភេទស្រីទេ។ បើគេរកឃើញថាទារកមាន​ភេទប្រុស​ការពិនិត្យGenetic ត្រូវតែធ្វើឡើងបន្តទៀតដើម្បីអោយដឹងថាតើទារកនោះពិតជា​មានជំងឺនេះមែនដែរឬទេ។
• អ្នកវិទ្យាសាស្រ្តមានការបារម្ភអំពីផលវិបាកនៃការធ្វើតេស្តនេះនៅអាស៊ី ព្រោះនៅប្រទេសខ្លះ​នៅមានការរើសអើងភេទនៅឡើយ។ ដូច្នេះការដឹងភេទរបស់ទារកក្នុងពេលឆាប់រហ័សបែប​នេះនឹងនាំទៅដល់ការធ្វើរំលូតកូនកាន់តែច្រើនឡើង។

                                                                                       Ref: Science for the Curious Discover