កាលពីថ្ងៃព្រហស្បត្តិ៍កន្លងទៅនេះក្រុមហ៊ុនGoogle បានបញ្ចេញ ទូរស័ព្ទប្រភេទថ្មីមួយគឺទូរស័ព្ទ Nexus 5 ដែលប្រតិបត្តិការ ដោយ កម្មវិធី Android 4.4 ឫត្រូវបានគេហៅថា Kit Kat ។ទូរស័ព្ទ Nexus 5 គឺជាគូប្រជែងជាមួយនឹង Samsung Galaxy S4 Sony Xperia Z និង HTC One ។ ឧបករណ៍ដែលមានឈ្មោះNexus គឺជាផលិតផលដ៏ ថ្មីបំផុតរបស់ក្រុមហ៊ុនGoogle ហើយប្រើកម្មវិធី Android និងអាចប្រើ ប្រាស់បាន ដោយមិនបាច់មានកិច្ចសន្យា ។ ទូរស័ព្ទ Nexus 5 ត្រូវ បានផលិតដោយក្រុមហ៊ុនLG ដែលអាចប្រើប្រាស់បានជា មួយ
ស៊ីមកាតគ្រប់ប្រភេទ ។ ទូរស័ព្ទនេះមានប្រវែង៥អ៊ីង មានកម្រាស់
ស្តើងជាង និងស្រាលជាងទូរស័ព្ទ Nexus ជំនាន់មុនៗ។ មិនត្រឹមតែ
ប៉ុណ្ណោះវាបំពាក់ដោយ Snapdragon 800 processor ដែលធ្វើអោយ វាមានល្បឿនលឿនជាងមុន ។ ចំណែកឯកាមេរ៉ាថតរូបវិញ Nexus 5 បំពាក់ដោយ កាមេរ៉ា HDR ប្រភេទថ្មីមួយដែលអាចថតរូបបានច្បាស់ល្អទោះបីជារូបភាពមានពន្លឺតិចឫខ្លាំងក៏ដោយ ។
បច្ចុប្បន្ននេះទូរស័ព្ទ Nexus 5 អាចទិញបានតាម Online នៅប្រទេសចំនួន១០មកហើយ ហើយនឹង ត្រូវបានគេយកមកចែកចាយតាមបណ្តាញលក់ដូរទូទៅក្នុងពេលឆាប់ៗ ។ នៅលើទីផ្សារOnline ទូរស័ព្ទ Nexus 5 ដែលមាន Version 16G មានតម្លៃ៣៤៩ដុល្លា រីឯVersion 32G មានតម្លៃ៣៩៩ដុល្លា ទូរស័ព្ទទាំង២ប្រភេទនេះមិនត្រូវការកិច្ចសន្យាទេ ។ តើអ្នកត្រូវការទូរស័ព្ទ Nexus 5 ដែរឫទេ?
អត្ថបទ: KSN Team, Ref: CNN and TechAdvisor
