របាយការណ៍មួយរបស់ទស្សនាវត្តី Current Biology បានបង្ហាញភស្តុតាងដែលមានលក្ខណៈវិទ្យាសាស្ត្រថា ជីវិតមនុស្សមានទំនាក់ទំនងជាមួយនឹងដំណើររបស់ព្រះច័ន្ទ ។ លោក Christian Cajochen ដែលជាអ្នកសរសេររបាយការណ៍នេះបាននិយាយថា«វដ្តរបស់ព្រះច័ន្ទ(ខ្នើត រនោច) មានឥទ្ធិពលទៅលើដំណេករបស់មនុស្ស ទោះបីជាពួកគេមិនបានឃើញព្រះច័ន្ធឫុដឹងអំពីខ្នើត រនោចក្តី ។ ក្នុងពេលសិក្សាស្រាវជ្រាវ
ក្រុមលោក Cajochen ដែលធ្វើការនៅសកលវិទ្យាល័យ Basel បានធ្វើការជាមួយនឹងអ្នកស្ម័គ្រចិត្តចំនួន៣៣នាក់ ដែលរលកចលនាខួរក្បាលរបស់ពួកគេត្រូវបានតាមដាន ជាមួយនឹងចលនាភ្នែក និងកម្រិតអ័រមន នៅពេលដែលពួកគេកំពុងដេកលក់ ។ រឿងដែលគួរឱ្យចាប់អារម្មណ៍គឺអ្នកស្រាវជ្រាវបានរកឃើញថានៅយប់ពេញបូរមី សកម្មភាពខួរក្បាលដែលទាក់ទងនឹងដំណេកស្កប់ស្កល់ថយចុះ៣០% ។ អ្នកដែលត្រូវគេពិសោធន៍ចំណាយពេល៥នាទីយូរជាងធម្មតាដើម្បីដេក ហើយរយៈពេលដេកលក់សរុបក្នុង១យប់ថយចុះ២០នាទី ។ អ្នកស្ម័គ្រចិត្តបានរាយការណ៍ថាពួកគេមានដំណេកមិនស្កប់ស្កល់នៅយប់ពេញបូរមី ។ អ្នកស្រាវជ្រាវក៏បានរកឃើញថានៅពេលនោះកម្រិតអ័រមន Melatonin សម្រាប់ភ្ញោចឱ្យមនុស្សដេកលក់មានការថយចុះ ។
លោក Cajohen បាននិយាយថា នេះគឺជាភស្តុតាងដ៏គួរឱ្យជឿជាក់ ដែលបង្ហាញថាដំណើររបស់ព្រះច័ន្ទ (ខ្នើត រនោច) អាចធ្វើឱ្យដំណេកមនុស្សមានការផ្លាស់ប្តូរបាន ព្រោះការពិសោធន៍ស្ថិតនៅក្រោមការពិនិត្យលក្ខខ័ណ្ឌយ៉ាងហ្មត់ចត់ និងពិធីសាររបស់មន្ទីរពិសោធន៍ ដោយគ្មានការប្រាប់ឱ្យអ្នកដែលត្រូវគេពិសោធន៍ដឹងជាមុនឡើយ ។ លោកបានបន្ថែមទៀតថា ដំណើរខ្នើតរនោចរបស់ព្រះច័ន្ធទំនងជាមានឥទ្ធិពលពីចម្ងាយមកលើការប្រព្រឹត្តរបស់មនុស្ស ការបន្តពូជ និងបញ្ហាផ្សេងៗទៀត ។ ឥទ្ធិពលនេះក៏មានចំពោះសត្វផងដែរជាពិសេសសត្វនៅក្នុងទឹក ដោយពន្លឺព្រះច័ន្ទមានទំនាក់ទំនងជាមួយនឹងការបន្តពូជរបស់ពួកវា ។ នៅចុងបញ្ចប់លោក Cajohen បានបន្ថែមថា ព្រះច័ន្ទមានឥទ្ធិពលលើការប្រព្រឹត្តដទៃទៀតរបស់មនុស្ស ដូចជាការបំពេញការងារ និងអារម្មណ៍របស់យើងជាដើម។
នៅក្នុងពេលអនាគតអ្នកស្រាវជ្រាវនឹងធ្វើការសិក្សាឱ្យកាន់តែស៊ីជម្រៅថែមទៀតអំពីទីតាំងមួយជំហានម្តងៗរបស់ព្រះច័ន្ទ និងឥទ្ធិពលរបស់វាមកលើកោសិកាសរសៃប្រសាទរបស់មនុស្ស ។
អត្ថបទ: KSN Team, Ref: Science AGOGO
ក្រុមលោក Cajochen ដែលធ្វើការនៅសកលវិទ្យាល័យ Basel បានធ្វើការជាមួយនឹងអ្នកស្ម័គ្រចិត្តចំនួន៣៣នាក់ ដែលរលកចលនាខួរក្បាលរបស់ពួកគេត្រូវបានតាមដាន ជាមួយនឹងចលនាភ្នែក និងកម្រិតអ័រមន នៅពេលដែលពួកគេកំពុងដេកលក់ ។ រឿងដែលគួរឱ្យចាប់អារម្មណ៍គឺអ្នកស្រាវជ្រាវបានរកឃើញថានៅយប់ពេញបូរមី សកម្មភាពខួរក្បាលដែលទាក់ទងនឹងដំណេកស្កប់ស្កល់ថយចុះ៣០% ។ អ្នកដែលត្រូវគេពិសោធន៍ចំណាយពេល៥នាទីយូរជាងធម្មតាដើម្បីដេក ហើយរយៈពេលដេកលក់សរុបក្នុង១យប់ថយចុះ២០នាទី ។ អ្នកស្ម័គ្រចិត្តបានរាយការណ៍ថាពួកគេមានដំណេកមិនស្កប់ស្កល់នៅយប់ពេញបូរមី ។ អ្នកស្រាវជ្រាវក៏បានរកឃើញថានៅពេលនោះកម្រិតអ័រមន Melatonin សម្រាប់ភ្ញោចឱ្យមនុស្សដេកលក់មានការថយចុះ ។
លោក Cajohen បាននិយាយថា នេះគឺជាភស្តុតាងដ៏គួរឱ្យជឿជាក់ ដែលបង្ហាញថាដំណើររបស់ព្រះច័ន្ទ (ខ្នើត រនោច) អាចធ្វើឱ្យដំណេកមនុស្សមានការផ្លាស់ប្តូរបាន ព្រោះការពិសោធន៍ស្ថិតនៅក្រោមការពិនិត្យលក្ខខ័ណ្ឌយ៉ាងហ្មត់ចត់ និងពិធីសាររបស់មន្ទីរពិសោធន៍ ដោយគ្មានការប្រាប់ឱ្យអ្នកដែលត្រូវគេពិសោធន៍ដឹងជាមុនឡើយ ។ លោកបានបន្ថែមទៀតថា ដំណើរខ្នើតរនោចរបស់ព្រះច័ន្ធទំនងជាមានឥទ្ធិពលពីចម្ងាយមកលើការប្រព្រឹត្តរបស់មនុស្ស ការបន្តពូជ និងបញ្ហាផ្សេងៗទៀត ។ ឥទ្ធិពលនេះក៏មានចំពោះសត្វផងដែរជាពិសេសសត្វនៅក្នុងទឹក ដោយពន្លឺព្រះច័ន្ទមានទំនាក់ទំនងជាមួយនឹងការបន្តពូជរបស់ពួកវា ។ នៅចុងបញ្ចប់លោក Cajohen បានបន្ថែមថា ព្រះច័ន្ទមានឥទ្ធិពលលើការប្រព្រឹត្តដទៃទៀតរបស់មនុស្ស ដូចជាការបំពេញការងារ និងអារម្មណ៍របស់យើងជាដើម។
នៅក្នុងពេលអនាគតអ្នកស្រាវជ្រាវនឹងធ្វើការសិក្សាឱ្យកាន់តែស៊ីជម្រៅថែមទៀតអំពីទីតាំងមួយជំហានម្តងៗរបស់ព្រះច័ន្ទ និងឥទ្ធិពលរបស់វាមកលើកោសិកាសរសៃប្រសាទរបស់មនុស្ស ។
អត្ថបទ: KSN Team, Ref: Science AGOGO
