WildCat អាចលោត បោលដូចសេះនិងអាចបត់ត្រឡប់ក្រោយវិញបាន ។ WildCat ក៏អាចធ្វើត្រាប់ តាមសត្វដែលមានជើងបួនបានទៀតផង។ លោកសាស្ត្រាចារ្យ Sharkey ដែលជាប្រធាននែគណ កម្មការអន្តរជាតិសម្រាប់ការគ្រប់គ្រងមនុស្សយន្តដែលមានបំពាក់អាវុធបាននិយាយថា «វាជាការ ខ្មាសអៀនណាស់ដែលបច្ចេកវិជ្ជានេះមិនបានអភិវឌ្ឍរួមគ្នាជាមួយនឹងមូលនិធិសម្រាប់ការសិក្សា ស្រាវជ្រាវដទៃទៀត»។ លោកសាស្ត្រាចារ្យបានបន្ថែមទៀតថា «យើងមិនដឹងថាតើ WildCat នឹង ត្រូវបានគេប្រើក្នុងគោលបំណងយោធាប្ញយ៉ាងណានោះទេ ប៉ុន្តែការរកឃើញមនុស្សយន្តនេះជា ជំហានមួយឆ្ពោះទៅរកមនុស្សយន្តដែលមានល្បឿនលឿនអាចបំពាក់អាវុធបានក្នុងការប្រមាញ់និងសម្លាប់»។
លោក Geoff Pegman ដែលជានាយកនៃ RURobots បាននិយាយប្រាប់ BBC ថា «ការវិវត្តនៃ មនុស្សយន្តកំពុងតែបោះជំហានទៅមុខនៅក្នុងប៉ុន្មានឆ្នាំចុងក្រោយនេះ ហើយនេះជាការ បង្ហាញ អោយឃើញអំពីការឈានទៅមុខនៃបច្ចេកវិជ្ជា»។ លោកបានបន្ថែមទៀតថា «ទោះជាមនុស្សយន្ត នេះមានភាពអស្ចារ្យក៏ដោយ ក៏ការប្រើប្រាស់របស់វានៅមានកម្រិតនៅឡើយក្នុងផ្នែកការពារ ការ សាងសង់ និងការងារវាយកម្ទេចសំណង់ផ្សេងៗ។ ហើយវាត្រូវការចំណាយថវិកាយ៉ាង ច្រើនក្នុង ការប្រើប្រាស់វាអោយមានប្រសិទ្ធិភាពខ្ពស់»។
ប្រែសម្រួលដោយ Sun Master Ref: BBC News
