យន្តហោះដែលគ្មានមនុស្សបើក (An unmanned aerial vehicle: UAV) ត្រូវបានទទួលស្គាល់ជា ទូទៅថាដ្រូន(Drone)។ Drone គឺជាយន្តហោះដែលគ្មានមនុស្សជាអ្នកបើកនៅក្នុងនោះទេ ការហោះ ហើររបស់វាត្រូវបានបញ្ជាដោយកុំព្យូទ័រដែលបំពាក់នៅក្នុងយន្តហោះនោះជាអត្តនោម័ត ប្ញដោយ មនុស្សនៅលើដីដែលបញ្ជពីចម្ងាយ ប្ញដោយមនុស្សនៅក្នុងយានយន្តណាមួយទៀត។ ការហោះ ឡើងនិងការវិលត្រឡប់មកវិញនៃយន្តហោះគ្មានមនុស្សបើកនេះគឺត្រូវពឹងផ្អែកលើមុខងាររបស់ប្រ ព័ន្ធស្វ័យប្រវត្តិប្ញការបញ្ជាពីដី។ យន្តហោះគ្មានមនុស្សបើកមានច្រើនប្រភេទផ្អែកទៅលើរូបរាងទំហំ និងលក្ខណ:របស់វា ។
កាលពីដំបូងឡើងយន្តហោះគ្មានមនុស្សបើកត្រូវបានបញ្ជាយ៉ាងសាមញ្ញដោយមនុស្ស ប៉ុន្តែ បច្ចុប្បន្ននេះប្រព័ន្ធបញ្ជាស្វ័យប្រវត្តិដែលបំពាក់ក្នុងយន្តហោះកាន់តែមានលក្ខណ:ប្រសើរឡើង។ យន្តហោះគ្មានមនុស្សបើកត្រូវបានប្រើប្រាស់យ៉ាងច្រើនក្នុងវិស័យយោធានិងកិច្ចប្រតិបត្តិការ ពិសេសផ្សេងៗ ប៉ុន្តែយន្តហោះនេះក៏ត្រូវបានគេយកទៅប្រើក្នុងការងារប៉ូលីស ពន្លត់អគ្គីភ័យ និង ការងារការពារសុវត្ថិភាពដូចជាការតាមដានបំពង់ប្រេងនិងឧស្ម័នជាដើម។ យន្តហោះគ្មានមនុស្ស បើកជាញឹកញាប់ត្រូវបានប្រើប្រាស់នៅក្នុងបេសកកម្មដែលមានលក្ខណ:ស្មុគ្រស្មាញ កខ្វក់ ប្ញ គ្រោះថ្នាក់ខ្លាំងសម្រាប់យន្តហោះដែលមានមនុស្សបើក។
