បច្ចុប្បន្ននេះការប្រើប្រាស់ទូរទស្សន៍HDTVមានកាន់តែច្រើនឡើងៗ ហើយជាបណ្តើរៗHDTVបាន ត្រូវគេយកមកជំនួសទូរទស្សន៍ធម្មតា(Standard Analog TV)ស្ទើរតែទាំងស្រុង។ Science News KH សូមលើកយកចំណុចពិសេសមួយចំនួនរបស់HDTVមកជម្រាបជូនប្រិយមិត្តដូចខាងក្រោម:
HDTV ជាពាក្យកាត់របស់ពាក្យHigh-definition television (ទូរទស្សន៍ដែលផ្តល់រូបភាពច្បាស់ល្អ) ។HDTVគឺជាមធ្យោបាយថ្មីមួយក្នុងការផ្សព្វផ្សាយនិងទទួលរូបភាពឌីជីថលជាមួយResolution ធំជាង 720pixels x 1080pixels ឬ 1920 pixels x 1080 pixels (ដែលខុសពីទូរទស្សន៍ធម្មតាប្រើតាមប្រព័ន្ធPAL, NTSC, SECAM ហើយមានResolution ត្រឹមតែ 720 x 480 pixels)។ ដូច្នេះហើយទើបHDTVផ្តល់គុណភាពច្បាស់ល្អ ទាំងពណ៌ សភាពច្បាស់នៃរូបភាព (Clarity) និងរូបភាពមានលក្ខណ:ដូចធម្មជាតិជាងទូរទស្សន៍ធម្មតា។ ម៉្យាងទៀតHDTV មានScreen ធំជាងទូរទស្សន៍ធម្មតាដែលធ្វើអោយភ្នែកយើងមើលឃើញស្រួលជាងទូទស្សន៍ធម្មតា។ ជាទូទៅអ្នកប្រើប្រាស់HDTVមិនចាំបាច់កែតម្រូវខ្នាត(Calibration) ទេដោយសារHDTVត្រូវបានផលិតឡើងដែលមានលក្ខណ:រៀបចំរួចជាស្រេចក្នុងការកែតម្រូវតាមប្រភេទរូបភាពដែលបានទទួលនិងបរិស្ថានជុំវិញដោយស្វ័យប្រវត្តិ។
ប្រែសម្រួល: KSN Team Ref: freemake.com
